أمك فين يا فيشاوى ؟
ى عز ما كان الكل مشغول بما يحدث فى سجن طرة والتحقيقات والتصريحات والمظاهرات والوفقات والامتحانات .. طلع علينا فاروق الفيشاوى عشان " يطرى الجو شوية " وده بعد ما ابنه " أتقفش " فى شقة بالإسكندرية مع واحدة من إياهم ..
كتبت : مى عبد الله
الناس قرأت الخبر عادى وسكتت ورجعت تتابع باقى الأخبار المهمة واللى فيها تحديد مصير بلد بأكمله .. قوم إيه يخرج الفيشاوى الكبير بتصريحات مستفزة وتحرق الدم وتنطق الحجر ويقول "وإيه يعنى ابنى موجود مع واحدة فى شقة " أول جملة جاءت إلى خاطرى بعد قراءة هذا التصريح "إنها حقا عائلة محترمة".
أنا مش فاهمة وجهة نظر الفنان الكبير فى مصطلح "وإيه يعنى" يا ترى يقصد إيه يعنى لما يكون فى شقة مع واحدة هما الاثنين بس -لا أنا آسفة نسيت هما الاثنان ومعهما الشيطان – ممكن يكون يا جماعة يقصد يقول لكم انتم متعرفوش انه عشان تبقى قضية آداب مخلصة ومحضر رسمى وكده لازم يثبت انه كان فى شقة أو مكان يدار للدعارة .. بمعنى انه لو أتمسك هو والمزة فقط هيطلع براءة .. أه والله اصل القانون عندنا بيعاقب على الجنس الجماعى فقط وفيه الخير إنه بيعاقب على جريمة الزنا بشرط أن يتقدم المتضرر سواء زوج الزانية او زوجة الزانى بشكوى ، يعنى كده الفيشاوي الصغير لم يخترق القانون ولا يستحق العقوبة .. فبطلوا رغى بقى ده انتم ناس متطفلة ,هذا ما أراد الفيشاوى أن يقوله للجمهور المصرى العريق.
لكن المفروض الفنان الكبير يبطل يدافع عن ابنه بعد المصيبة الكبيرة اللى جابها له من كام سنة .. وممكن المرة دى أيضا تيجى الطوبة فى المعطوبة وأجرى بقى يا معلم وما ينوبك غير الجرجرة وراءه فى المحاكم ومعامل التحاليل لإثبات اللى بالى بالك .. طب على إيه ما تلم ابنك أحسن وأكرم لسمعته ولتاريخك الفنى , ما يشغل بالى الآن معرفة رد فعل الفيشاوى الخلبوص .. فإذا كانت القدوة قال "وإيه يعنى" أمال الصغير قال إيه ؟ وإحقاقا للحق فاروق الفيشاوى أكد أن ابنه من أسرة كريمة ومتربى تربية محترمة.. يا راجل أنت فاكرنا هنود.
ولم يقتصر الفنان الكبير عند هذا التصريح فقط بل قال كلام أهبل كتير .. مثلاً " وهى الشرطة دلوقتى فاضية للقضايا دى؟ " يا ترى يا فنان يا كبير تقصد أى قضايا؟ الآداب يعنى , أنا لا اعلم ما الذى يدفع فنان كبير بحجم فاروق الفشاوى ينسى أننا فى بلد لها عاداتها وتقاليدها ، المشكلة مش فى تصرفات احمد الفيشاوى المخزية لأنه ينطبق عليه القول"متعودة دايما" لكن المشكلة فى تصريحات والده ..
وأخيرا اسمحوا لى ان اخبركم حقيقة الموضوع حتى لا أطيل عليكم .. الموضوع ان احمد الفيشاوى كان مع فتاة فى شقة بمفردهم ، وأكيد ان شوشو - اللى هو الشيطان - كان بيعمل توك شو معاهم وطبعا الكلام كله كان على الهواء مباشرة والواد بقى طبعا كان عايش الدور لانه فنان أبن فنان بس للأسف حصلت مداخلة من الشرطة لم يذكرها المؤلف فى السيناريو ، وعشان كده الفيشاوى الكبير زعل .
عايزة أقولك يا فيشاوى يا كبير أن الناس أصلا ماكنتش واخدة بالها من ألاعيب وقذارة ابنك غير لما أنت طلعت تحرق دمهم .. وعايزة كمان أقول لابنك : أمك - اقصد يعنى ام الفيشاوى الصغير - الست سمية الالفى ، فين من الكلام ده كله ؟!
كتبت : مى عبد الله
الناس قرأت الخبر عادى وسكتت ورجعت تتابع باقى الأخبار المهمة واللى فيها تحديد مصير بلد بأكمله .. قوم إيه يخرج الفيشاوى الكبير بتصريحات مستفزة وتحرق الدم وتنطق الحجر ويقول "وإيه يعنى ابنى موجود مع واحدة فى شقة " أول جملة جاءت إلى خاطرى بعد قراءة هذا التصريح "إنها حقا عائلة محترمة".
أنا مش فاهمة وجهة نظر الفنان الكبير فى مصطلح "وإيه يعنى" يا ترى يقصد إيه يعنى لما يكون فى شقة مع واحدة هما الاثنين بس -لا أنا آسفة نسيت هما الاثنان ومعهما الشيطان – ممكن يكون يا جماعة يقصد يقول لكم انتم متعرفوش انه عشان تبقى قضية آداب مخلصة ومحضر رسمى وكده لازم يثبت انه كان فى شقة أو مكان يدار للدعارة .. بمعنى انه لو أتمسك هو والمزة فقط هيطلع براءة .. أه والله اصل القانون عندنا بيعاقب على الجنس الجماعى فقط وفيه الخير إنه بيعاقب على جريمة الزنا بشرط أن يتقدم المتضرر سواء زوج الزانية او زوجة الزانى بشكوى ، يعنى كده الفيشاوي الصغير لم يخترق القانون ولا يستحق العقوبة .. فبطلوا رغى بقى ده انتم ناس متطفلة ,هذا ما أراد الفيشاوى أن يقوله للجمهور المصرى العريق.
لكن المفروض الفنان الكبير يبطل يدافع عن ابنه بعد المصيبة الكبيرة اللى جابها له من كام سنة .. وممكن المرة دى أيضا تيجى الطوبة فى المعطوبة وأجرى بقى يا معلم وما ينوبك غير الجرجرة وراءه فى المحاكم ومعامل التحاليل لإثبات اللى بالى بالك .. طب على إيه ما تلم ابنك أحسن وأكرم لسمعته ولتاريخك الفنى , ما يشغل بالى الآن معرفة رد فعل الفيشاوى الخلبوص .. فإذا كانت القدوة قال "وإيه يعنى" أمال الصغير قال إيه ؟ وإحقاقا للحق فاروق الفيشاوى أكد أن ابنه من أسرة كريمة ومتربى تربية محترمة.. يا راجل أنت فاكرنا هنود.
ولم يقتصر الفنان الكبير عند هذا التصريح فقط بل قال كلام أهبل كتير .. مثلاً " وهى الشرطة دلوقتى فاضية للقضايا دى؟ " يا ترى يا فنان يا كبير تقصد أى قضايا؟ الآداب يعنى , أنا لا اعلم ما الذى يدفع فنان كبير بحجم فاروق الفشاوى ينسى أننا فى بلد لها عاداتها وتقاليدها ، المشكلة مش فى تصرفات احمد الفيشاوى المخزية لأنه ينطبق عليه القول"متعودة دايما" لكن المشكلة فى تصريحات والده ..
وأخيرا اسمحوا لى ان اخبركم حقيقة الموضوع حتى لا أطيل عليكم .. الموضوع ان احمد الفيشاوى كان مع فتاة فى شقة بمفردهم ، وأكيد ان شوشو - اللى هو الشيطان - كان بيعمل توك شو معاهم وطبعا الكلام كله كان على الهواء مباشرة والواد بقى طبعا كان عايش الدور لانه فنان أبن فنان بس للأسف حصلت مداخلة من الشرطة لم يذكرها المؤلف فى السيناريو ، وعشان كده الفيشاوى الكبير زعل .
عايزة أقولك يا فيشاوى يا كبير أن الناس أصلا ماكنتش واخدة بالها من ألاعيب وقذارة ابنك غير لما أنت طلعت تحرق دمهم .. وعايزة كمان أقول لابنك : أمك - اقصد يعنى ام الفيشاوى الصغير - الست سمية الالفى ، فين من الكلام ده كله ؟!
No comments:
Post a Comment